රාවණ උපත සිදු වුනේ ලංකාව භාරතීය සුරයන්ගේ ආක්රමණවලින් මුදවා ගන්නනෙ. රාවණ කියන්නේ විශ්රස් මුණිගේ පුත්රයායි විශ්රස් මුණි කියන්නේ පුලස්ථි සෘෂිගේ පුත්රයායි පුලස්ථි සෘෂි කියන්නේ ත්රී මූර්තියේ ඉන්න මහා බ්රහ්මයාගේ එක් පුත්රයෙක්. ත්රී මූර්තිය කියන්නේ බ්රහ්ම,විෂ්ණු,ශිව කියන තිදෙනාටයි. බ්රහ්ම විසින් රාවණට අවශ්ය විටකදී උපකාරයට සිටියද විෂ්ණු සැමවිටම උත්සාහ කරේ රාවණව ඝාතනය කිරීමටයි. රාම කියන්නේ විෂ්ණුගේ 7 වෙනි අවතාරයයි. විෂ්ණු රාම අවතාරේ මැව්වේ රාවණා ඝාතනය කරන්නයි. බ්රහ්ම කියන්නේ ලෝකය නිර්මාණය කරන්නා විෂ්ණු කියන්නේ පාලනය කරන්නා ශිව කියන්නේ විනාශ කරන්නා. විෂ්ණු ලෝකපාලක විච්ච පළියට හිතාහෙන ඉන්නේ විෂ්ණුගේ බලයට වැඩිය බලවත් කෙනෙක් මේ ලෝකේ කොහේවත් ඉන්න බෑ කියලයි. ඇත්තම කියනවනං විෂ්ණු රාමව මැව්වේ රාවණාගේ බලයට ගොඩක් ඊර්ෂ්යා කරපු නිසා. විෂ්ණු එකේක විදිහේ උපක්රම යෙදුවා රාවණා ඝාතනය කරන්න. එකපාරක් විෂ්ණුගේ පරම බැතිමතා නාරදව යැව්වා යම ලෝකයට රාවණාට අයත් කාලදණ්ඩ යම රජට කියලා කම්පනය කරලා රාවණ ඝාතනය කරන්න. ඒ වෙලාවේ බ්රහ්ම එතනට ඇවිල්ලා යමටයි නාරදටයි තේරුම්කරන්න උත්සාහ කරා රාවණට නොකරපු වැරැද්දකට දඬුවම් කරන්න එපා කියා. බ්රහ්මගේ කීම ඔවුන් ප්රතික්ෂේප කලා. ඉන්පසුව නාරද රාවණා ගැන නොකරපු වැරදි මව මවා කියන්න ගත්තා. පසුව රාවණට ආරංචි වුනා තමා නොකරපු වැරැද්දකට යම හා නාරද තමාව ඝාතනය කරන්න යනබව. එවිට රාවණ යක්ඛ සේනා රැගෙන යමලෝකයට ආවා තමන් නොකරපු වැරැද්දකට දඬුවම් කරන එකට විරුද්ධව හා යම හා නාරදගේ අහංකාරය බිඳ දමන්න. යම විසින් රාවණට අයත් කාලදණ්ඩ කම්පනය කරනු ලැබුවා එවිට වූයේ රාවණගේ සේනාව භෂ්ම වී යාමයි. විෂ්ණු පිටසක්වල ජීවීන් ලවා රාවණ ඝාතනය කරන්න කටයුතු කරා. එවිට රාවණ එම පිටසක්වල ජීවීන්ගේ ලෝක යටත්කොටගෙන ඔවුන්ට තර්ජනය කරා තමා නොකරපු වැරැද්දකට හා වෙනත් අයෙකුගේ ඕනෑපාකම් වලට කටයුතු නොකර සිටිනලෙසටත්. ඒ විතරක් නෙවෙයි තව අවස්ථාවකදී ඉන්ද්ර (සක්ර) දෙවියන් ලවා රාවණ හට තර්ජන එල්ල කරනු ලැබුවා. එවිට රාවණ තුසිත දිව්යලෝකයට ගොස් ඉන්ද්ර දෙවියන්ව රැගෙනවිත් තමා නොකරපු වැරැද්දකට තර්ජන නොකරන ලෙස අවවාද කරනු ලැබුවා. ඒ විදිහට විෂ්ණු නොයෙක් නොයෙක් උත්සාහ කරා රාවණ ඝාතනය කරන්න. භාරතීය සුරයන්ගේ ආක්රමණ දිගින්දිගටම පැමිණි නිසා රාවණගේ නැගනිය සුපර්ණිකා හා රාවණගේ නැන්දණිය භාරතය වෙත පිටත් වුනා එම ආක්රමණ වැලැක්වීමට දණ්ඩක වනයට. විෂ්ණුට රාමව පාලනය කලහැකි නිසා රාමයි ලක්ෂ්මනයි සීතයි ගියා දණ්ඩක වනයට. එම වනයේ සිට ට්ක දවසක් ගතවන විට තමයි ලොකු ප්රශ්නයක් ඇතිවුනේ. රාම කියන්නේ විෂ්ණු වගේම ස්ත්රී ලොල් පුද්ගලයෙක්. ඈත අතීතයේ සිටි බොහෝ කාන්තාවන් විෂ්ණු භක්තික සෘෂිවරුන්ගේ බොරු අසා විෂ්ණු කෙරෙහි අන්ධ භක්තියක් ඇතිකරගෙන තපස්රැක්කා. විෂ්ණුගෙන් කවුරුහරි වරදානයක් ඉල්ලූවිට විෂ්ණු ලබාදෙන්නේ ඒකෙනාට අවශ්ය වරය නෙවෙයි ඔහුට අවශ්ය වරයයි. එසේ විෂ්ණු එම කාන්තාවන් මුලාකර එම කාන්තාවන්ව තමන් ආවාහ කරගත්තා එලෙස කිරීමෙන් විෂ්ණු 4000 පමණ බිරින්දෑවරු සිටින අන්තක්පුරයක් ගොඩනගා ගත්තා. එලෙසම රාමත් වෙන ස්ත්රීන් දකිනවිට තම බිරිඳ සීතාවද අමතක කර වෙනත් ස්ත්රීන් පසුපස ගිය අයෙක්ය. එයින් පැවසෙන්නේ රාම දණ්ඩක වනයේ සිටින විට රාම සුපර්ණිකාව දුටුවා. එවිට රාම සීතාව අමතක කර සුපර්ණිකා වෙතගොස් ඇයව තමන් වෙත පොළඹවා ගැනීමට ඇයට බලහත්කාරකම් සිදු කළේය. ඇය රාමව ප්රතික්ෂේප කළාය. එයට කෝපවූ රාම සුපර්ණිකාගේ නාසය කපා උදරයට හීයෙන් විදිනු ලැබුවේය. මෙය පසුව රාවණ වෙත ආරංචි වූයේය. රාවණ යුද සේනා රැගෙන භාරතයට පැමිණියේය. රාවණ ඒත් යුද කිරීමක් සිදුකලේ නැත සාකච්ඡා මාර්හයෙන් මෙය විසදාගැන්මට උත්සාහ කරා. එහෙත් රාම තමන් කලවැරද්ද පිළිගැනීමට කිසිසේත්ම සූදානම් වූයේ නැත. ස්ත්රියකගේ ඇති වටිනාකම රාමට තේරුම්කරන්න රාවණ සීතාව රැගෙන දඬුමොණරයෙන් ගියේය. පසුව රාවණ සීතාට රාමගේ වැරදි පිළිබඳ වටහා දුන්නේය. ඒ වෙනුවෙන් රාවණට කරන උපකාරයක් හා රාම කරපු වැරදි වලට ලබාදෙන දඬුවමක් විදිහටත් මෙහි රැදී සිටින්නට යැයි රාවණ සීතාට පැවසුවා. එවිට සීතා රාම පිළිබඳ සත්ය වටහා ගත්තාය. රාම වානර සේනා හා ලක්ෂ්මනයි හනුමානුයි සමඟ ගල් පාලමක් සාදා ඒ ආධාරයෙන් ඉන්දියාවේ සිට ලංකාවට පැමිණියා රාවණ ඝාතනය කරන්න. ඇත්තම කියනවානං රාම රාවණගේ අසලකටවත් ගොස් නැහැ. ඒ වගේම විෂ්ණුට තිබුණා ඇවිත් රාවණා සමඟ සටන් කරන්න. ඒත් විෂ්ණු රාවණ සමඟ සටන් කරන්න ආවේ නෑ. ඒ නිසා තමයි අවතාරය යැව්වේ රාවණ සමඟ සටන් කරන්න. එහෙව් එකේ රාමට පුළුවන්ද රාවණ සමඟ ද්වන්ධ සටනක් කරන්න. රාම වානර සේනාව පමණක් යවව්වා සටන්කරන්න. වානර සේනාව සටන්කරන්න යවලා රාම, ලක්ෂ්මන හා හනුමාන් පර්වතයක් පිටුපසටවී මුවා වී සිටියා. විභීෂණ දැනගත්තා ඔවුන් පැමිණ සිටින්නේ රාවණ ඝාතනය කරන්න කියා. හතුරාගේ හතුරා මිතුරා වේ යන කියමන නිසා විභීෂණටත් වුවමනා වන්නේ රාවණ ඝාතනය කරන්න නිසා විභීෂණ ඔවුන් වෙත ගොස් පැවසුවා ඔවුන්ට උදව්කිරීමට විභීෂණට හැකිබව. ඔවුන් විභීෂ්ණගේ උපකාරය පිළිගෙන විභීෂණට ඔවුන්ට උපකාර කරන්න යැයි පැවසුවා. විභීෂණ රාවණ සතුව තිබූ බලවත් ආයුදයක් රාම වෙත ලබා එය හීයේ සවිකොට රාවණට විදින්න යැයි පැවසුවා. රාම එසේ සිදු කලා එම හීය රාවණට වැදුනු පසු සුළු වේලාවකට රාවණ සිහිමූර්ඡා වූවා. එවිට රාවණාගේ ආත්මයට නැවත තමන්ගේ ශරීරයට යාමට නොහැකිවනු ලෙස ඒ කුරීරු විෂ්ණු හා ඔහුගේ පරම බැතිමතා නාරද බලවත් ශාපයක් සිදුකරනු ලැබුවා. ඉන් පසුව රාවණාගේ යක්ෂ සේනාවේ පිරිසක් ඔවුන් සතු මායා බලය උපයෝගී කරගෙන වානර සේනාවේ සිටි වානරයෙකුගේ ශරීරය රාවණගේ ශරීරයට සමාන ආකාරයට පත්කරනු ලැබුවා. රාවණාගේ ඇත්ත ශරීරය එම යක්ෂ සේනාවේ රැකවරණය මත තබාගනු ලැබුවා. රාවණගේ ශරීරයට සමාන ආකාරයට පත්කර තිබූ ශරීරය දුටු රාම ඇතුලු පිරිස සිතුවේ රාවණ මියගිය බවටය. මෙම සත්ය සිදුවීම ජනතාවට දැනගැනීමට සෘෂිවරු හා මුණිවරු ඉඩ තැබුවේ නැත. ඒ මෙම ආරංචිය නිසා ජනතාව මහත් ලෙස කම්පාවට පත්වන නිසා හා ඔවුන් දුර්වල වන නිසාය. රාමට රාවණව පාවාදීමට විභීෂණ උපකාර සිදුකළ නිසා රාම විභීෂණට රාජ්යත්වය ලබාදී හා විෂ්ණුට වරදානයක් දෙන්න පුළුවන් වගේම අවතාරයකටත් පුළුවන් වරයක් ලබාදීමට හැකියාවක් තිබුණා. එලෙස සිදුවීමෙන් එනම් මීට වසර 7700 කට පමණ පෙර ඉහතදී භාරතීයන් අපගේ රාවණා ඉතිහාසය පරිහානියට ඇද දැමුවා.
-නිමි-
✍️✍️✍️
ශුක්රාචාර්ය අසුරයා
